Forumi AlbaVizion

[Alb-Muslim]

Hapësirës mediatike në Maqedoni i shtohet televizioni i vetëm kombëtar shqiptar, TV ALB, i cili nga shtatori do të transmetojë program të rregullt 24 orësh në gjuhën shqipe, ndërsa aktualisht transmeton program eksperimental. TV ALB ka marë licencën për televizion kombëtar-satelitor në konkursin e Këshillit të radiodifuzionit të Maqedonisë.

TV ALB ka një shtrirje në të gjithë Maqedoninë, duke qenë pjesë e rrjeteve kabllore të saj dhe do të jetë pjesë e paketave satelitore nga më prestigjozet në Evropë, duke u ndjekur kështu në Evropë dhe Amerikë.

Frekuencat satelitore janë: Intelsat 901 në 18 gradë Perëndim (West). 11569, 1 fec 5/6, s.r. 5.7749, Horizontal.
Ekipin e redaksisë së televizionit e përbëjnë Bardhyl Zaimi, kryeredaktor, i cili ka përvojë të gjatë në mediat e shkruara, mr. Sefer Tahiri, zëvendës kryeredaktor, i cili në këtë pozitë vjen nga pozita e redaktorit në ALSAT-M dhe ligjëruesit në Fakultetin e komunikimit në UEJL si dhe Arta Tahiri, e cila deri më tani ishte drejtuese e emisionit “Eurofokus’ dhe prezantuese kryesore e lajmeve në ALSAT-M.


TV ALB fokus kryesor do t’i ketë shqiptarët, duke i trajtuar problemet e tyre.
Drejtuesit e televizionit thonë se “ALB do të jetë forum i hapur për të gjitha grupacionet politike dhe shoqërore dhe do të zhvillojë debatin shoqëror, politik dhe ekonomik në kuptimin e plotë, duke ballafaquar mendime dhe qëndrime të ndryshme”.

Sipas drejtuesve të televizionit shkak kryesor për formimin e tij është pasurimi i hapësirës mediatike me përmbajtje në gjuhën shqipe, sepse në eterin e Maqedonisë, në të cilin funksionon vetëm Televizioni ALSAT-M, që transmeton program në dy gjuhë, shqip dhe maqedonisht, ka nevojë për programe plotësuese cilësore në gjuhën shqipe, të cilat do t’i prekin kryesisht jetën dhe problemet e popullates shqiptare.
TV ALB paralajmëron se do të futet në tregun mediatik në gjuhën shqipe përmes një koncepti të ri programor, i cili parashikon emisione informative-politike, arsimore dhe rekreativo-zbavitëse, numër të madh të debateve përkatësisht skemë programore e cila do të përmbush kërkesat e të gjitha grupeve shoqërore.

Ekipi i gazetarëve është në fazën e formimit, ndërsa ky është një shans për gazetarë të spikatur, por edhe për punësimin e kuadrove të rinj të diplomuar.
Kryeredaktori i Televizionit ALSAT-M, Muhamed Zeqiri ka deklaruar për gazetën e përditshme “Utrinski Vesnik” më datën 3 korrik se Televizionin ALB nuk e konsideron si konkurrencë, duke theksuar se ALB nuk ka koncesion për television nacional, por satelitor.

[Valon]

Logo e saj eshte e vjedhur :-) nga nje template qe e ka itshqip

[Speed DeviL]

Postimi origjinal është bërë nga Valon [Materiali rezervuar vetëm për anëtarët e Albavizion.Net Kliko këtu për tu regjistruar ]

Logo e saj eshte e vjedhur :-) nga nje template qe e ka itshqip

Shko Prezantohu ...

Program i mir paska me qen ky , me gazetar te medhej shqiptar dhe me pervoj t'madhe ..

[Lapsi]

siduket kjo tv do te luaj rolin e zedhenesit te PDSH-se

[P1xeL™]

Postimi origjinal është bërë nga Lapsi [Materiali rezervuar vetëm për anëtarët e Albavizion.Net Kliko këtu për tu regjistruar ]

siduket kjo tv do te luaj rolin e zedhenesit te PDSH-se

Ha ha ha mos fol me shum se vetem cka e prishe

[Lapsi]

Postimi origjinal është bërë nga P1xeL™ [Materiali rezervuar vetëm për anëtarët e Albavizion.Net Kliko këtu për tu regjistruar ]

Ha ha ha mos fol me shum se vetem cka e prishe

jo, nuk flas me